Үжингийн хардалт

2 хоногийн өмнө 2 сайхан үрээ өлзийт хороолол руу явуулахаар болж Огоод хүргэж өгөхөөр явж байх зам зуур хотын түгжрэлд нам зогсоно. 2 найз маань машинаараа үйлчлэн хамт явлаа. Аминааг гэрээс нь аваад 10р хороолол руу гэлдэрнэ. Гэрлэн дохион дээр зогсоод хүлээж байтал хажуугийн машинаас нэгэн хүүхэн намайг таньдаг мэт харна. Би ч гайхан харлаа. Охин маань өвөр дээр минь сууж байсан бөгөөд миний нүүрийг өөр тийш нь чиглүүлэн: "Ааваа та өөр тийшээ хар л даа, битгий энэ хүн рүү хараад бай!" гээд шууд цонхоо хаалаа. 

-Миний охин чинь аавыгаа харамлаад харамлаад байгаа юм уу даа? гэхэд хацар нүүр нь час улайж хошуугаа доош унжуулан 2 гараа ачин хурааж дуугаа хураалаа. Хараваас харамлан хардаж байгаа нь илт байлаа. Хөөрхөн өхөөрдөм тэр хошууг нь ээ, хараад байхнээ их л  шөмбийх юм. Хайр хүргэм харцыг чинь хараад баймаар шүү хонгор үр минь. Бид хэд машигаар нэг инээдэм болж улам бүүр ичээнэ. Хүзүүгээр нь тэврэн аваад, аавтайгаа уулзахгүй 7-10 хонох байжээж, одоо ингээд салах гэж байгаам чинь аавыгаа энэ хэсэгхээн хугацаанд тэврээч тэгэхүү гэж гуйлаа. Алаг нүдээ бүлтэлзүүлэн хүзүүгээр минь тэврэн авлаа. Хайртай үрээ тэврэн мишээж аз жаргалд умбанаа.

Амьдрал

    Хүний амьдрал гайхалтай бөгөөд сонирхолтой, заримдаа гашуун, заримдаа ээдрээтэй, заримдаа маш амттай санагддаг. Бүүр заримдаа яах гэж энэ орчлонд хүн болж төрсөн, яах гэж энд ирсэн, юуны төлөө, яах гэж, яагаад энэ цаг үед, яагаад яг энд гэж асуух зүйлс ч гардаг юм байна. Зүүний сүвэгчээр тэмээг багтааж оруулахтай адил хүнээс хүн төрж амьдрал бий болдог байх. Олон давааны цаана амжилт байдаг шиг, олон амжилтын цаана ч уналт бас байж болдгийг сайн санаж яваарай миний хүүхдүүд. Хэзээ ч өөрийгөө ихд бүү бод, хэзээ ч өөрийгөө болсонд бүү бод, хэзээ ч өөрийгөө гүйцлээд бүү бод. Чи болоогүй байна. Энэ дөнгөж эхлэл гэж байнга бодож яв. 

Амьдрал дөнгөж эхэлж байна. 

Амьдрал 

Амь

ӨНӨ-ҮЖИНГИЙН ХӨГТЭЙ ЯВДЛУУДААС

Аав: Миний сайхан охин аавыгаа тэврээд унтана тэ?
Охин: Тиймээ ааваа
Аав: Заза хөөрхөн шдэ, тэгвэл том болсон ч гэсэн аавтайгаа хамт унтаж байгаарай за юу!
Охин: Юу? Юу гэж дээ ааваа, Зула аниа шиг том болсон ч гэсэн үү?
Аав: Тийм ээ миний хонгорхон үр минь.
Охин: За яхав тэгнээ тэгнэ.
Аав: Миний охин тэгвэл хүнтэй суух хүртэлээ аавтайгаа хамт унтаж байгаарай,
Охин: Ааваа юу гэсэн үг вэ? Үгүй шүү нөхөртэй болсон ч хамт унтаж байна шүү. Нэг талд нь аавыгаа нөгөө талд нь нөхрийгөө, гэдэг байгаа.

Энэ үед энэ бүсгүй 5н настай байв

Зул 17той байв.

Дурлал хайрын түүх

-Ааваа, ааваа та манай ээжид дуралсан юм уу, аль эсвэл ээж танд дуралсан юм уу? гэж хүү ааваасаа сонирхон асууна.

-Тийм ээ миний хүү ээжд нь аав нь дурлаад хайртай болсон юм.

-Яаж хүмүүс бие биедээ дуралдаг юм бэ? Бас яагаад?

-Анх аав нь ээжийг нь хараад их таалагдаад бас их хөөрхөн харагдаад аав нь ээжд нь дурлаад бас хайртай болоод, тэгээд ээж нь бас аавд нь дурлаад бие биедээ хайртай болоод бид 2-ын хайрын түүх ингэж эхэлсэн юм. 

         Охин маань ангийнхаа Давагсүндэл гэдэг хүүгийн тухай ярихдаа нүүрэнд нь хайрын мишээл тодрон, дуртай нь аргагүй ниээд алдан ярина. Давагсүндэлтэй би гэрлэх гэж байгаа шдээ ааваа гэж ярина. Аавын охин том болоод үерхэж байгаад бас хайртай болсоныхоо дараа гэрэлдэг юм шүү дээ, одоо бол ангийн охид хөвгүүдтэйгээ сайхан найзалж, үерхэж болно. Миний охин чинь мааш жаахан байна шүү дээ одоо. Ааваа би чинь том аниа болж байгаа шүү дээ. Агаа нь харин хүүе том болж байгаад гэрэлдэг юм шүү дээ, ээж тэгэж хэлсэн биздээ гэнэ. Миний бүжгийн портнёр Тулгатай би муудалцчихсоон ааваа. Давагсүндэл л надад таалагдаж байгаа. Нээрээ манай ангийн Чингүүн намайг чихэр авч өгөхгүй бол багишд чамайг Давагсүндэлтэй сууна гэж байгаа шүү гэж хэллээ шүү гээд охин бид 2 Чингүүнд Чупа чупс авч өглөө. Хэхэ

       

2016оны цагаан сарын тухай

        Цагаан сар болсоон. Хүсэлээ, Үжингийн хамт ээж нь бид 4 Өлзийт хороолол яваад тэндээ Болдоо ах, Гансүх өвөө, Огоотойгоо золгоод дараа нь 28д ирээд баахан хүмүүстэй золгоод Шинийн нэгэнийг нэг иймэрхүү өнгөрөөлөө. Шинийн 3нд Ээж нь 2 хүүхдээ аваад Бээстий нарынхаа ээж аавуудаар явж золголт хийсэн билээ. Шинийн 4нд Дундговь аймгаас Тэмүжин Хонгороо Амина Сайхан ах Дулмаа эгч нар бөөнөөрөө ирээд Өлзийт хороололд очиж золгоцгоолоо. Зөндөө их тоголлоо. Аавынх нь төрсөн өдөр боллоо. Төрсөн өдрөөрөө охинтойгоо хамт лаагаа үлээе гэж бодсон боловч охин маань үлээсэнгүй. Учир нь тэр маань том болжээ. Урьд нь бол агаагийнхаа төрсөн өдрөөр ч тэр өвөөгийнхөө төрсөн өдрөөр ч тэр лааг нь үлээдэг байлаа. Энэ чинь том болж байгаагийн шинж шүү дээ гэж бодлоо. 

        Энэ жилийн цагаан сараар ах дүү хамаатан садангуудаараа очиж золголт хийж чадсангүй. Тухайн үедээ амар юм шиг санагдавч бодоод байхад мөн сүүлд хүмүүстэй уулзаад таарахад ирж золгоогүй гээд үг хаях үед маш хэцүү байдаг юм байна лээ. Энэ жилийн цагаан сараар заавал очиж золгох бодолтой байгаа. Бас гадуур гаралгүй гэртээ байх шалтгаан та 2-ыг маань жаахан бас ханиад хүрэх, өвдөх гээд шалтгаан байдаг байсан юм. Айлаар хисч бэлэг цуглуулах үнэхээр сайхан санагддаг байж билээ жаахан байхад. Тэднийх ийм бэлэг өгсөн, эднийх ийм бэлэг өгсөн гээд л, дүүтэйгээ солилцох юм байвал солиод л гоё л байдаг байж билээ.

Хүннү моолын нэгэн өдөр

        2015оны хавар битүүний урд өдөр юм даа. Хүннү моол дээр очлоо бид 3. Морин хуур дарж байгаа хүмүүсийг үзлээ, зайрмаг авч идсэн, хоол идлээ, хүүхдийн тоголоомын талбайд очиж тоголлоо. Аав нь 2 үртэйгээ хамтдаа үнэхээр сайхан байлаа. Хөгжилтэй инээсэглэлээр дүүрэн энэ 2 маань үнэхээр Хээппий бас аз жаргалтай нэгэн өдрийг өнгөрөөлөө.

Намайг Солонгоо гэж дуудаарай

Өнөөдөр Өнө-Үжин босоод:

-Ааваа та намайг өнөөдрөөс эхлээд Солонгоо гэж дуудаарай битгий Өнө-Үжин гээрэй гэлээ.
-Яагаад?
-Яагаад гэвэл би угаасаа 2 нэртэй болсоон.
-Яагаад? гэж аав нь гайхшран асуулаа.

-Яагаад гэвэл та чинь 2 нэртэй биздээ, нэг нь Ганаа, нөгөө нь Ган-Эрдэнэ
-Миний охион аавынх нь бүтэн нэр Ган-Эрдэнэ Нийк нэр нь Ганаа шүү дээ, хүмүүс дуудахдаа Ганаа гэж дууддаг юм шүү дээ. Мөн адил ээж нь бас 2 нэртэй Отгонцэцэг нөгөө нь Биби шүү дээ, гэлээ.

-Өнөхүсэл бас л 2 нэртэй шүү дээ ааваа.
-Хэ хэ,  чи минь ч гэсэн 2 нэртэй шүү дээ: Өнө-Үжин бас нэг нь Үжин.
-Үгүй шүү би 2 өөр нэртэй болсон одооноос
-Айн, Тийм үү? Нэг нь Солонго тэгээд нэг нь Үжин гэх хэрэг үү миний охион?
-Үгүй шүү нэг нь Солонгоо, нөгөө нь Цасангоо
-Хэхэ ёоо тийм үү заза.

За хүүхдүүд нэг иймэрхүү л байна даа.

1-р Ангид орох Шалгалт-Өнөхүсэл-Шинэ Монгол ДС

        За Хүсэлээ бид 2 өнөөдөр түүний шалгалтыг өгөхөөр замдаа явж байна. Түүний үсийг Гэльдэж самнаад, гоё хувцасаа өмсөөд, цүнхэндээ бал, харандаа, баллуур, шугам, хайч, цавуу бүх хэрэгтэй зүйлсээ хийгээд явж байна. Өчигдөр намайг энэ 2 панаалдсаар байгаа цэцэрлэгтээ яваагүй ээ. Дэлгүүр орж сүү авчихаад орж ирэхэд Өнө-Үжин баахан мөнгө гаргаад ирсэн. "Хүүе хэнээс ийм их мөнгө авчихаа вэ? Чи чинь!" гэж аав нь асуухад:

-Ааваа би чинь ажил хийгээд ийм мөнгө олсон юм шүү дээ, гэж охин хариуллаа

-Ааваа ааваа Үжин ээжийнхээ мөнгийг авсан байна лээ шүү гэж агаа нь хэллээ.

Аав нь ээжид нь дансаар нь мөнгө шилжүүллээ. За даа нэг иймэрхүү хөгжилтэй зүйлс маш их тохиолдож байна доо бидний амьдралд.

Жизээл аавынхаа утсаар их тоголж байгаа. Ээж нь харин шалгалтаа амжилттай өгөх хүртэлээ утасаар тоголох хүүхэлдэйн кино үзэх зэргийг нь хязгаарлаж байгаа.

Запас

Бидэн 3 нь нэг өдөр дүнжингарав худалдааны төв амралтын өдрөөр орж хавар намрын гутал авахаар явлаа. Гуталаа ч авлаа, бас бус юм ч авлаа. Харин миний хүү баландаа ЗАПАС авахуулахаа мартсангүй сануулаад авахууллаа. Дүү нь асууж байна:

- Ааваа энэ балны запасаар яадаг юм бэ?
-Бал нь дуусахаар запасаа хийдэг юм. Балныхаа гэрийг нь дахин дахин ашиглах боломжтой мөнгөө хэмнэж байгаа юм даа. Гэж аав нь хариуллаа.

Бүдээрээ л хэрэгтэй зүйлсээ авцгааж башийсаар Хүннү Моол руу тоголохоор явцгаалаа.

Амьдрал, түүний сонин хачин, сайн муутай танилцаж эхэлж байгаа энэ 2 бяцхан үрс ааваасаа ээжээсээ эмээ өвөө нараасаа элдвийн л сонирхолтой асуултууд асууж хөх инээд хүргэнэ шүү. Коридорын гэрэл шатаад Паалийг гэрлийн запас ламп авахуулахаар гаргахад Жизээль асууна:

-Хүүе ааваа таны авч өгсөн ЗАПАСнууд дуусаагүй байгаа шүү дээ надад запас аваад хэрэггүйээ гэлээ.
-Аав нь хүүдээ балны ЗАПАС авах гээгүй ээ гэрлийн ЗАПАС авахуулах гэж байгаа юм шүү дээ.
-ХАХА ЗАПАС гэдэг чинь нөөц гэсэн үг юм миний дүү, гэж ПААЛИНГОО хэллээ.

-Зөвхөн балны ЗАПАСЫГ хэлдэггүй юм аа миний хүү. Нөөц болгоныг ЗАПАС гэнэ. Хадгалж байгаа нөөцүүд. Ахд нь хэлсэн үгсийг анхааралтай сайн сонссон дүү нь үргэлж хамтдаа суралцнаа.

Цагаан платье

         Цэцэрлэгийнхээ найрал дууны ангид ороод Тагтааны дуу Хоороор дуулахаар болж цагаан платье,цагаан туфли, цагаан үсний боолт хэрэг болоод юмнуудаа бэлдээд өнөө өглөө багшдаа үзүүлэхээр аваад явлаа. Дуу хөгжмийн багш нь сувдан цагаан биш цасан цагааныг өмсөх тул энэ болохгүй гэлээ. Бид 2 запасанд дахин нэгийг авч явсан ч өнгөө алдсан байна гэж бас л гологдлоо. Аав нь харин платьний эрэлд гарлаа. Цагаан туфли авсан чинь 25 размерийг аваад багадуулчихлаа. Аавын гүнж нь том болж байгаа юм байна шүү. Томдсон гутал бас авч болохгүй гэж бодож байна шүү. Багаасаа томдсон гутал өмсөөд байвал том болоод 37 биш 38 размерын гутал өмсдөг бочихвол таарах гутал олдохгүй дэмий хэрэг болно. Энэ жил нэг размер томыг авчихья ирэх жил яг таарна гэдэг бол буруу зүйл. Эмэгтэй хүний хөл том байх муухай шүү дээ. Над өчигдөр утсаар яриад л заавал өнөөдөр авна шүү дээ ааваа цагаан үсний боолт гээд байхаар нь Sunday Plaza орж авсан чинь 11р сарын 15нд хэрэг болохоор байжээ. 

         Манай дуу хөгжмийн багш төлбөрөө 2 сар төлөөгүй тул төлбөрөө төл гээд байгаа ааваа. Хоёулаа маргааш амжуулах ажил их байгаа шүү ааваа гэсний дагуу өнөөдөр ажилуудаа амжууллаа. Аав нь агаагийнх нь сургууль дээр нь очиж цаасны цавуу бас хүргэж өгсөн. Миний хүүгийн цавуу нь дуусаад аавдаа захиад байсан юм. Зүрх жаахан өвдөөд тариагаа хийлгэхээр явж байна. Юутай ч зүйрлэмгүй миний 2 эрдэнэ нь үнэхээр өхөөрдөм бас их ухаалаг шүү. Ээж аав 2 нь 2 сайхан үрдээ маш их хайртай шүү. 

АЛТАН НАМАР

         Цэцэрлэгээрээ алтан намар хийдэг уламжлал тогтсон улсын цэцэрлэгүүдийн энэхүү үйл ажиллагаанд би хэзээ ч оролцож байгаагүйдээ харамссан юм. Өнгөрсөн жил Хүү маань цэцэрлэгийн бэлтгэл бүлэг, охин маань ахлах бүлэгт байсан болохоор хоёул явах ёстой байсан учир эмээ өвөө 2 хамт явцгаасан юм. Эмээ өвөө 2 нь солонгос улсыг зорихоор болоод энэ удаад Шагайг явуулахаар ярилцсан ч охин маань заавал аавтайгаа хамт явна гэсээр байгаад аав нь хамт явлаа. Ангийн найзууд болох Мэндээ, Хүслэн, Азаа нартайгаа хамтдаа сууж баяр жаргалаар дүүрэн инээд хөөрөөр цалгин явцгаалаа. аав нь машинтайгаа араас нь дагаад л явлаа. Ээжийнх нь ажилгүйдлийн тэтгэмжийг авахын тулд аав нь налайх дүүрэн рүү явах ажилтай болсон мөн маш их ажилтай захирал маань ажилдаа ир гээд залгаад байгаа учираас өдрийн цайгаа уучаад үдээс хойш явлаа. 2 багшид нь сайн захиж үлдээгээд Мэндээгийн эгч Отгоод маш сайн хэлээд явлаа. Миний хөөрхөн охин өдрийг сайхан өнгөрүүлээрэй аав нь хайртай шүү, гээд явлаа.

        Орой 8цаг өнгөрөөгөөд тосож авалаа. Маш сэтгэл хангалуун жаргалтай охид хөвгүүд 8999 дугаартай VIP автобуснаас бууцгаалаа. Аав ээжүүд нь халаалттай бууцгаагаад ааыг нь торголоо. Хэхэ. Ангидаа орцгоогоод дахин үргэлжлүүллээ. Хөгшин залуугүй л хөгжилтэй сайхан яриа өрнүүлж сайхан цагийг өнгөрүүлсэн юм. 

       Ангийн аав ээжүүдийн Фэйсбүүк хаягуудыг нь цуглуулж ангийн Грүп нээхээр боллоо. Зураг бичлэг хөгжилтэй явдлуудыг грүпдээ тавьж байхаар боллоо.

Ангийн найзуудтайгаа, цэцэрлэгийн нөхөдтэйгээ

Алтан намар тэмдэглэхээр явсан тэр нэгэн өдөр

Аавыгаа дагуулаад явсандаа би баярладаг

Аваад явнаа таныг заавал, Шагай аниатай явахгүй ээ

Ааваа гоё газар байна, би танд хэлсэн л биздээ

Алив хоёулаа сэлфий хийе, энд бас нэг авахуулчихъя

Ахиад ирэх биш дээ энд бид, ирэх хавар төгсчихнө

Алиахан бага насны минь дурсамжтай сайхан мөчүүдтэй

Аав ээж 2 минь хамт байсанд агаа бид 2 баяртай байдаг,

Алдрайхан бага насны минь алтан мөчүүдэд

Андууралгүй, эндүүрэлгүй, марталгүй заавал хамт байгаач

Ааваа ааваа та надад үлгэр уншаад өгөөч, 

Алтан загасны үлгэрийг ахин дахин ярисан ч 

Аав таныг ярьж байхад, юу ярихыг чинь мэдсэн хэрнээ

Агаа бид 2 хэзээ ч уйддаггүй юм шүү дээ, 

Алтан намартаа явлаа, найзуудтайгаа гоё байсаан ааваа

Ахиад баймаар л байсан шүү, Давагсүндэл яваагүй ээ

Андуураад нэг хөвгүүнийг араас нь би татах даа

Ааан чи яасан орой ирдэг юм бэ айн, гэхэд эргэж харахад нь 

Андуурсан байлаа би түүнийгээ, санаа алдчихаад хартал

Аав минь харин хажууд зураг авъя, алив наашаа хараадах гэлээ

Ангийн найз Мэндээтэйгээ хөгжилдөн баясаж

Азаа найзтайгаа хөөцөлдөн гүйх минь юутай жаргалтай вэ

Аяаа миний бага нас, яасан хурдан өнгөрснийг хожим ухаарах байхдаа

Адтай, сэргэлэн алиахан бяцхан охин Өнө-Үжин би

Аав ээж, эмээ өвөө, Огоогийн хайртай үр нь би

Агаатайгаа хааяа тоглоомоо булаацалддаг ч хайртай шүү дээ би 

Алтан намар сайхан байлаа, аятайхан гэгч нь амраад ирлээ ээжээ хэхэ

ХАТСАН БААСтай Тулалдав

         Ажилаа тараад гэр лүүгээ яаравчлан давхиж явах замдаа эхнэртэйгээ ярилцаж байх зуураа Охины минь БААС нь хатсаныг мэдсэн байлаа. Захисан хүнсний бүтээгдэхүүнүүдээ дэлгүүрээс авчихаад гэр лүүгээ орж явтал Зулаа залган Үжингийн гэдэс өвдөөд байгаа тухай мэдээ ирлээ. Гэртээ яаран ортол нүдээ бүлцийтэл уйлчихсан горшокон дээр сууж байв.

-Ааваа гэдэс өвдөөд байна, ийн ийн
-Алив аав нь хараадахъя, яг юу болсон бэ?
-Миний баас хатсан гарагхгүй байна.
-Хммм за алив дүлдээ,
-Ааваа Үжин баасан уу? гэж Жисээль асууна, хаха
-Дүлээд юу ч гарахгүй байна аа ийн ийн
-За тэгвэл түргэн дуудъя, байна уу 103 уу? 4н настай, өтгөн нь хатсан, хүүхдийн, утас нь...
-Ийн ийн ийн
-За аав нь гараад КЛИЗМ аваад ирье
-Ааваа та гүйгээд яваарай.
-Ааваа Үжин баасан уу? гэж Жисээль асууна, хаха
-За  тэгнээ, гялс гарчихаад ирье,

          Аптек орж бургуй, вазелин аваад орж ирлээ. Уйлсаар л байлаа. бүлээн ус бөгс рүү нь бургүйдаад гарсангүй. Сүүлдээ бөгснийх нь нүхнээс нь зухуйсан бааснаас нь бага багаар имтлэн хуруугаараа авлаа. Маш хатуу юм гээч. Аймшигтай өвдөлт мэдэрч байгааг аав нь мэдсээн. За дахин нэр бургүйдаад аавтайгаа хамт дүлэхээр боллоо. Горшок биш суултуур дээр сууж байгаад хамтдаа Нэг Хооооёрын Гуравааааа гээд хүчилнэ шүү за. Гарахгүй байгаа учираас тосон клизм тавихаар боллоо. Клизмыг тавиад доор хаяж 5-10мин болгоно шүү гэж 103-ын эрэгтэй эмч хэллээ. Харин 19001908 дугаарын Эрүүл мэндийн лавлах клизмээ шахаад шууд өтгөнөө гадагшлуулаарай гэлээ. ХА-ХА
Хүүхдийн түргэн тосон клизм тавихыг зөвөллөө.

-Ааваа баамаар санагдаад байна.
-5-10мин болох ёстой, жаахан хүлээчих миний охин,
-Баамаар байнаа, яах уу ааваа?
-За за алив явъя
-Ааваа Үжин баасан уу? гэж Жисээль асууна, хаха

        Шингэн нь гараад өтгөн нөгөө хатуу хэсэг чинь яг ДАН хийгээд гарч багтахгүй гацлаа шүү. Арга мухардаад OMG гээд ахиад дүлээд бай миний охин гэлээ. Ааваа гарахгүй байнаа яах юм бэ. За аав нь нэг юм бодъё. Хоёулаа жаахан амарч байгаад дахиад нэг дүлээд үзье. Одоо бөгсөө угаачаад явж амар. Эвий дээ унтаад өглөө. Орыг нь засаад оруулах гэтэл сэрлээ. Ааваа би одоо ядрахгүй байна. ХЭХЭ.

-Ааваа би танд даалгавар өгөхөөр боллоо шүү анхааралтай сонс.
-За тэгээ тэг миний охин
-Та гал тогоонд ороод хоолоо идчээд миний цэцэрлэгтээ өмсөх хувцсыг бэлдчээд эмийг маань авчраад уулга. За хурдан яваарай хийх юм их байна шүү! (Ёо яасан хөөрхөн юм бэ аавын охин нь, бүүр хайр хүргэчихийн)
-За боссоо

        Охиныхоо өгсөн даалгаваруудаа биелүүлчихээд охин дээрээ ирээд үлгэр уншуулах уу гэж асуухад Ногуныг уншуулмаар байна, Ойрд уншаагүй юм байна гэлээ. Тэгс ингэсгээд байж байтал Ааваа би шээлээ гээд босоод гүйлээ.

-Ааваа миний баас гарчихлаа. хэхэ гээд инээлээ
-Алив хараадахъя, ВААВ л даа за сайн байна миний охин мунадаг шүү.
-Ааваа би өөрөө дүлээл гаргацан
-Мхм миний бяцхан охин чинь мунадаг байна, хайртай шүү, одоо бүгдээрээ үлгэр уншиж тэмдэглэе. Ахиж миний охин чихэр шоколад идэхгүй гэж амал. Аавынх нь мөнгө дууссан ааваараа юм авахуулахгүй шүү за.
-За ааваа ойлголоо доо.

Ингээд нэг үдшийн  2цаг 45минутыг охин бид 2 ХАТСАН бааснуудыг гаргах тулаанд оролцоод ялсан юмдаг.

Хайртай ээж нь Их Британи улсыг Мастер хамгаалахаар зорив

        Өчигдөр оройн хоолыг халуун ам бүлээрээ саппорогийн Бродвэй ресторанд идлээ. Огоо, эмээ өвөө, Шагай, Пали, Зула аниа нар нь хамт байлаа. Гадуур явж ажилуудаа хөөцөлдөв. Өглөө ээжийгээ гаргаж өгөхөөр сэрэхдээ тун хэцүүхэн бослоо. Ямар сайндаа Хүсэлээ: "Ээжээ би таныг гаргаж өгч амжихгүй юм шиг байнаа", гэж шал нойрмог юм нүдээ анилдуулан хэлж инээлгэв. Хайрт хань минь эрдэм өвөртөлөхөөр алс хол дайлаар мордлоо. Хожим миний сайхан үрс нь алс холыг зорин явахдаа аав ээжийнхээ дутууг нөхөж очоогүй газраар явах болтугай. Ухаантай эрдэм номтой сайн хүмүүс болоорой. Ээжийнхээ шийрийг хатаагаарай хэхэ. Ээж нь мунадаг шүү. 638 хүн өрсөлдсөнөөс 3хан хүн явах байсан ээж нь тэнцсэн юм. Авхаалжтай мунадаг бүсгүй шүү. Түрүүхэн хэдхэн цагийн өмнө Лондонд газардсан тухайгаа мэдэгдсэн. Кардифф руу яг одоо автобусаар явж байгаа байхоо. Хайрт минь хоол ундаа сайн идээрэй. Жаахан ханиад хүрсэн хөөрхий дөө, хүний газар битгий л өвдөөрэй дөө. Бид 3 нь сайн байгаа. Үжин аавдаа эрхлээд жаахан ширүүн дугарахаар цаашаа хараад л уйлчих юм. Огоогийн өгсөн 100К-г Хүсэлээ өөрөө хадгална гээд надад өгөхгүй байхлаар нь түрийвч авч өгье тэрэндээ хадгалаарай гэж хэлээд авлаа. Маргааш өглөөнөөс эхлээд Үжин маань төгөлдөр хуурын дугуйланд явахаар болсон. Өнөөдөр очиж бүртгүүлсэн. Хуур бэлэн, маргааш чадвал нэг сандал захиалгаар хийлгэхээр болж байгаа. Крисмассын баяраар уулзахдаа хэдэн ая ээждээ тоголож өгнө байхаа гэж найдаж байгаа. Аав нь маргааш заавал ажилаасаа чөлөө аваад хүүгийнхээ эцэг эхийнх нь хуралд нь сууна даа. Анхны эцэг эхийн хурал учираас аав нь ач холбогдол өгч байгаа. Бид 3 яг одоо унтаж байна. Хайр нь юмаа биччихээд унтана даа. Миний 2 талд намайг тэврээд унтаж байна. Охин аавынхаа мээмийг эмрээд л унтсан даа хөөрхий. Хайр нь 2.3 жилийн өмнө авч байсан хүүхдийн хүмүүжилтэй холбоотой хэдэн номыг маргааш ажил руугаа авч явж цайны цагаараа уншихаар болсон. Бас өдөр бүр нэг шинэ үлгэр цээжлээд орой унтахад нь угшиж өгч байхаар болж байгаа.

          За хайрт минь их юм сураад ирээрэй бидэн 3 нь та 2ыгоо (хаха заза жөүкинг) хүлээгээд сургууль хичээл ажилдаа мэрийгээд сайн сууж байнаа. Хэдэн паунд орсон байна дансанд чинь хаха. Гүүд лаак бэйбээ! Үнсэе! Оүнлий чиний Палдаахай бас 2 бэйбийс нь.

2015 оны 10-р сарын дунд үе Төрсөн Өдрийн Хүлээлт

         Төрсөн өдөр нь 12-р сарын 04-нд болох өдрийг тэсэн ядан хүлээж байгаа 3-н настай охин ааваасаа хэзээ миний төрсөн өдөр болох билээ, та надад ийм юм тийм юм авч өгнө шүү за гээд л асууж шалж гарна даа.

-Ааваа ааваа миний төрсөн өдөр яг хэзээ болох билээ?
-12р сарын 04-нд болноо миний охин,
-Аан тэр чинь 2 хоногийн дараа гэсэн үг тээ?
-Хэхэ үгүйдээ миний охин 12-р сарын ДӨРВӨНД шүү дээ, арай болоогүй байна,
-Тэгвэл тэр чинь ааваа ДӨРВӨН гэдэг чинь 4 хоногийн дараа гэсэн үг юм уу?
-Хэхэ үгүй миний охин сар гарангийн хугацаа байна, тун удахгүй миний охины төрсөн өдөр болоод зөндөө их гоё бэлэгтэй болно за.
-Ааваа та миний төрсөн өдрөөр БАБУУЛАЙ авч өгөөрэй тэгвэл
-Бабуулай гэж юу байдаг юм бэ?
-Хммммм тэр чинь аарцтай зайрмаг шүү дээ, та чинь мэддэггүй юм уу? Бас цөцгийтэй.
-За за аав нь авч өгнөө охиндоо.
-Аавдаа хайртай шүү, хөөрхөн шүү миний аав...